«Мегаватқа» лайық марапат

«KEGOC» АҚ Басқарма төрағасы Нәби Айтжанов Қор компаниялар тобы арасында өткен «ӘзілFest» байқауының күміс жүлдегері кегоктық «Мегаватт» командасымен кездесіп, жеңістерімен құттықтады.

«Бұл жеңіс - шығармашылық шеберлік пен үлкен еңбектің нәтижесі. Байқау барысында өздеріңізді кәсіби маман ретінде көрсетіп қана қоймай, сонымен қатар ұтымды әзілдеріңізбен көрермендерге тамаша көңіл-күй сыйладыңыздар. Бұл компанияның биік корпоративтік рух-жігері мен ауызбіршілігін айшықтай түсті, абыройымызды көтерді», - деп компания басшысы атап өтті.

Кездесу барысында Нәби Еркінұлы жастарға биік белестерді бағындырып, кәсіби салада өркендей беруіне тілек білдірді.